Protesta ng mga Puno

PROTESTA NG MGA PUNO
ni Gregorio V. Bituin Jr.
12 pantig bawat taludtod

balak naming puno'y iprotesta kayo
pagkat kayo'y sadyang walang kwentang tao
pinatay nyo kaming unti-unti rito
kaya nadanas nyo ang mga delubyo

pinasok nyong pilit ang aming tahanan
at ginalugad ang buong kagubatan
sinibak nyo kami upang pagtubuan
ginawang mapanglaw ang aming tahanan

pinagpuputol nyo ang aming kapatid
na mga puno rito habang kami'y umid
kayong mga tao'y pawang mga manhid
sa buhay na ito'y kayo ang balakid

ilan sa inyo ang sa delubyo'y saksi
at sino ang agad ninyong sinisisi
di ba't kalbong bundok, kalbong gubat, kami
kayong mga tao'y amin bang kakampi

pababayaan ba namin kayong tao
kahit itong gubat inyo nang kinalbo
wala kayong awa sa mga narito
ang dala nyo rito'y aming dyenosidyo

bakit kayong tao sa mundo'y nilalang
gayong ugali nyo'y pawang salanggapang
ang akala nyo ba kami'y nalilibang
sa mukha nyo gayong kayo'y mga hunghang

kailan pa kayo magpapakatino
at magkakaroon ng mabuting puso
tigiln nyo na ang pagpaslang ng puno
upang kalakalin at kayo'y tumubo

sa aming protesta kayo ang kawawa
di na masisipsip ang mga pagbaha
pagkat ang ginawa nyo'y kasumpa-sumpa
sa aming kapatid na puno at lupa

kaya nga bago pa mahuli ang lahat
ay inyong ayusin itong aming gubat
kahit ang ugnayan natin ay may lamat
pag ginawa'y agad ang aming salamat

ngunit kung ayaw nyong dinggin itong hiling
ay pababayaan na lang kayo namin
protesta na kami saan man abutin
kayong tao'y amin nang kakalabanin

Ang Green Poet's Network (GPNet)

ANG GREEN POETS’ NETWORK

Ang Green Poets’ Network (GPNet) ay isang koalisyon ng mga manunulat ng tula na nagsisikap na pagbuklurin ang mga makata mula sa paaralan at sa iba pang larangan upang magamit nila ang kanilang talino sa pagtalakay at pagpapalaganap ng mga isyu o paksa hinggil sa ekolohiya at para sa proteksyon at pangangalaga sa Inang Kalikasan.

Naniniwala ang GPNet na sa pamamagitan ng mga tula, makikita natin ang daan pabalik kay Inang Kalikasan – mga tulang mahalaga, nakapapaso, at marahil ay nakapagbibigay ligaya. Ang nagtutulak sa amin ay ang pagkatha ng mga salita ng pag-aalala at hamunin ang aming mga sarili sa pagpapalaganap sa pamamagitan ng pagkatha ang pangangalaga sa kalikasan.

Ang makata ang puso ng samahang ito. At ang tinig ng bawat isa ay dapat mapakinggan. Kaya nga dapat nating pakinggan ang tinig ng bawat isa, pagbabahaginan ng ating pagkakapare-pareho at pagkilala sa ating mga pagkakaiba. Sa pamamagitan ng tula, lilikhain natin ang isang daluyan ng pang-unawa sa kasalimuutan at kaisahan ng daigdig na ating pinananahanan.

Ang wika ng pagtula at mga salita ng makata ay walang hangganan. Maaaring sulatin ng mga makata ang mga paksa hinggil sa himpapawid, karagatan, ang kagandahan ng Look ng Maynila, ang mainit na isyu ng pag-iinit ng mundo, ang naganap sa Pulong ng Copenhagen, ang kampanya laban sa plastic, ang protesta laban sa Laiban, at iba pa. Maaari silang magsulat habang walang klase, sa opisina ng Dekano, sa mga iskwater ng Maynila, sa piketlayn ng mga manggagawa, sa ginegerang Iraq, sa tanggapan ng United Nations, sa lugar na pinangyarihan ng masaker sa Maguindanao, o kahit sa loob ng kulungan, tulad ng isinulat ng ating Pambansang Alagad ng Sining sa panitikan na si Amado V. Hernandez sa kanyang aklat na pinamagatang “Isang Dipang Langit”.

HANGARIN

Pangarap ng GPNet ang isang lipunang nangangalaga at may pagpapahalaga kay Inang Kalikasan at sa sining. Ilalathala ng mga makata ang kanilang mga katha sa iba’t ibang publikasyon at sa iba’t ibang wika. Kokolektahin ng GPNet ang mga tula hinggil sa mga luntiang paksa upang ilathala sa mga aklat pampanitikan o pahayagan.

ADHIKAIN

1. Pagbuklurin ang mga patnugot ng panitikan (literary editors) mula sa iba’t ibang publikasyon, mapa-kampus man o NGO
2. Ipalaganap sa pamamagitan ng tula ang mga maiinit na isyu sa mundong ating pinananahanan
3. Matulungan ang mga bagong makata na maunawaan ang iba’t ibang isyu hinggil sa kalikasan, at mahikayat ang iba pang makata na kumatha ng kanilang ambag sa pangangalaga sa Inang Kalikasan
4. Maibahagi ang ating mga kaalaman at karanasan sa pamamagitan ng pagtula
5. Maging daluyan ng inspirasyon ang tula para sa mas maraming tao
6. Makipaglaban para sa pangangalaga sa kalikasan mula sa kasakiman ng iilan, at labanan yaong mga nangwawasak sa ating kalikasan

Para sa karagdagang detalye, mangyaring makipag-ugnayan sa : greenpoetsnetwork@gmail.com, at kina:

DANTE PASIA
Convenor, Green Pen Network (GPN)
Organizer, Green Poets Network (GPNet)
0927-7080013, 0932-9205696

GREGORIO V. BITUIN JR.
Writer, Tagalog poet
Organizer, Green Poets Network (GPNet)
0935-9259537

The Green Poets' Network (GPNet)

GREEN POETS’ NETWORK

The Green Poets’ Network (GPNet) is a coalition of poetry writers and enthusiasts that strives to bring together various poets from campus and other walks of life so that they can write poems tackling issues and themes about ecology and the protection and conservation of Mother Earth.

The GPNet believes that through poetry, we can find our way back to Mother Nature – one that is relevant, burning, and probably fun. Our driving force has been to write words of concern and to challenge ourselves in propagating through poems our concern for ecology.

The poet is the heart of this network. And their individual voice must be heard. That’s why we should listen to each other’s voice, sharing our commonality and acknowledging our differences. Through poetry, we will create a means of understanding the complexities and harmony of the world we live in.

The language of poetry and the words of poets has no boundary. Poets can write about the air, the sea, the sky, the beauty of Manila Bay, the burning issues of global warming, the Copenhagen Summit, the no plastics campaign, the anti-Laiban Dam protest, and the like. He or she can write during campus recess, in the Dean’s office, in the slums of Manila, in the workers’ picketline, in the war-torn Iraq, in the United Nations office, in the site of the Maguindanao massacre, in the battlefields, and probably from a jail cell, such as what our national artist and poet Amado V. Hernandez has written in his compilation “Isang Dipang Langit”.

MISSION

The GPNet envisions a society where there is caring and concern for Mother Nature and the arts. Poets will publish works in different publications and in different languages. And GPNet will collate poems on green issues to be published in a literary book or journal.

GOALS

1. To bring together literary editors from different publications, may it be campus or NGOs
2. To propagate through poetry burning issues about the planet we live in
3. To help young poets understand various issues on the environment, and encourage other poets to write something that will contribute in caring for Mother Earth
4. To share our knowledge and experiences through poetry
5. To inspire people
6. To fight for the protection of our environment from the bondage of greed, and to struggle through poetry against those who are dirtying the environment

For other details and activities, please feel free to contact:

DANTE PASIA
Convenor, Green Pen Network (GPN)
Organizer, Green Poets Network (GPNet)
0927-7080013, 0932-9205696

GREGORIO V. BITUIN JR.
Writer, Tagalog poet
Organizer, Green Poets Network
0935-9259537